Phili 2 | PONPDN | STEP | MA panapanau eu ren Kristus mia, ma kamait en limpok, ma sau pena en Nen, ma limpok melel, o kadek san nan nen omail,

Philippians 2

1 MA panapanau eu ren Kristus mia, ma kamait en limpok, ma sau pena en Nen, ma limpok melel, o kadek san nan nen omail, 2 Komail ap kaunsokela ai peren ni omail lamalam ta pot, o limpok ta ieu, o min ta ieu, o inon ion son ta ieu, 3 O der aklemai o der wia meakot ni aklapalap a ni karakarak, amen en kakaki amen mo a. 4 Amen amen ender apwali pein a dipisou kan, a amen amen en apwali en akai ar dipisou. 5 Pwe i tiak en mi re omail, me pil mi ren lesus Kristus. 6 Me mom en Kot, ap sota men ale on pein i en dueta Kot. 7 Ap akamaleki pein i o wiala ladu men o son en aramas akan. 8 O kotin sansaleda ni mom en aramas, o kasapwilidi pein i, o ni a kotin peiki on lel mela, ei lel mela ni lopu. 9 Nan i me Kot kotin kasapwilada i wasa ileile, o kotiki on i mar eu, sikida san mar karos. 10 Pwe karos en kelepukidi ni mar en Iesus, me mi nanlan o nin sappa o pan sappa. 11 O lo karos en kadedeki, me Iesus Kristus me Kaun pwen kalimmada Kot Sam. 12 Ari kompoke pai kan, duen omail okoke kokodo, kaidin ni omail wokaren ia do, a me sikidar ansau wet ni ai doo, en pere ki, o lomwiniki kadokedoke kamaur pamail. 13 Pwe Kot me kotin wiada karos nan lol omail: Inon o kapwaiada duen kupur a. 14 Komail wiada meakaros so lipanede o so peikasal. 15 Pwe komail en pun o melel o seri en Kot akan, me so lol riapot nan pun en di sued o sapun, me komail ser sansal nan pun arail, dueta ser en sappa kan. 16 Kasansaleda masan en maur, pwen kapin pa i ni ran en Kristus, pwe i ender tan mal de dodok mal. 17 A ma i dueta mairon urak eu wudoki on mairon o dodok en omail poson, i kin peren kida, o i pan ian komail karos pereperen. 18 I me komail en pil perenki o komail en ian ia pereperen. 19 A i kaporoporeki Kaun Iesus, me i pan madan kadar won komail Timoteus, pwe i en pil insenemau, i lao asa ir omail. 20 Pwe sota amen mi re i, me dueta i, me kin apwali komail melel. 21 Pwe karos kin rapaki me pein ar, a kaidin me sapwilim en Kristus. 22 A komail asa, me a tiak me pun, pwe a sauasa ia ni ronamau dueta seri men on a papa. 23 I me i kaporoporeki, me i pan kadarala eden, i lao asa ir ai. 24 A i liki Kaun o, me pein nai pil pan pwara wei madan. 25 A i lamedar, me mau en kadarlan i komail ri ai Epaprotus me ai warok ni ai dodok o ai peipei, iei omail men en kadar, o me papa ia ni ai samama. 26 Pwe komail asa, a non kin komail melel, o a patauki melel omail ronadar, me a somau. 27 Melel, a somau meid laud, koren ion mela. A Kot me kotin kupuredar i; a kaidin i eta, pwe pil nai, pwe i de paiola pokon. 28 A i madan kadarala i, pwe komail en kilan i, ap peren kida, o ai insensued en pil tikitikela. 29 Komail ari kasamo i ni Kaun o popol, o wauneki me dueta i kan. 30 Pweki wiawia en Kristus a koren ion mela, ni a sota kasampwaleki pein maur i, pwen sauasa ia wiliandi komail.